尋日返左LLC, 我唸應該都係呢個學期既最後一次了掛, 唔知下次會係幾時, 都唔知會唔會有機會去返612... 講到呢度心里難免都有d失落...

見到好多2b, 2c既同學仔, 好開心. 影左好多靓相, 仲加開心!

多謝 justin 唱歌比我聽, 好好聽, 我會記住係心里邊gala!!! 如果7.30我係香港, 一定會去睇你既比賽, ...下次啦, 總會有機會既!

多謝 阿糖 babe!!! 見到你我真係好開心!!! 聽到你進步既消息, 更加開心!!! I am so proud of you!!! 繼續努力, 我會一直都支持你, 比信心你既!!!

多謝 陪我地hea到6點幾既2b既女仔, 你地全部都好sweet!!! 另到我地間房多左好多笑聲!!!

最後甘係要多謝最親愛既靜華,joyce, 同靓仔lee sir啦 哈哈 今年最開心既事之一就係識到你地三個好朋友!!!!!!!!!!!!!!!!!!!!!

雖然有d遺憾 無見到好多1a既同學仔, 不過以後有機會gala. 

好啦, update埋今日, 可能來緊一段時間都唔會update住, 因為我要去大陸幾日. 不過我會同你地msn gala !!! 

努力溫書, 加油!!! 我會支持你地gala!!!

        考完了lpate, 交了PSE, 只剩下最後一份論文了...

        今晚會研究下實習期間拍既唯一一次video, 係1a既堂來既. 一直覺得好可惜, 上次導師來看我上2c堂無拍到video.或者果堂應該係我整個實習期間,自己覺得自己表現得最好既一次. 當然啦, 都係因為你地真係好配合, 好識得"作戲", , 真係好多謝你地啊. 我仲記得果日上堂之前, 我叫你地唔使緊張, 就當係平時上堂一樣就得gala, 跟住反而係你地話, "我地唔緊張wor, miss, 你都唔好緊張wor". 我唸果時,最緊張既果個應該就係我自己了, 超低b啊,  呵呵.   

        今日去左辦美國visa, 領事館裡面d人真係超串....連保安都係....不過好彩個in我既"官"係個十分熱情既"黑"朋友. interview比想像中hea好多, 只係幾個基本問題, 跟住就好興奮甘同我講 "congradulations, ms wu, hope you will enjoy the journey in San Francisco."

        前排真係太忙了, 除左book機票之外, 都無好好plan過去美國d野. 但係,今日突然間意識到, 原來好快就要去啦! 呢個暑假應該會好特別掛, 去到想去既地方, 做到想做既野, 見到想見既人, haha...前幾日竟然有同學仔要送我機wor, 真係好驚訝, 都覺得好sweet既.不過你地考緊試期間就唔好啦, 你地既心意我完全收到啦, 多謝晒啦!!! 我2個幾月就返來gala, 到時一定約你地出來玩! 

        8月尾返來就要準備升Year 4啦, 我既大學生涯原來已經過左大半了... 唔知下年呢個時候既自己係點樣既le, 係揾緊工? 定係等緊某間大學既master錄取信? ... no ideas.... 其實以後既野根本無人可以預期, 大家都一樣. 所以唯一可以做既, 就係認真做好自己, 做好依家我地應該要做既野!!! 所以無論你地以後係會繼續讀書, 或者升去第二間讀, 定係出來做野, 其實都無太大所謂, 最緊要係, 知道自己做緊d咩, 想得到d咩, 跟住向住自己既目標同方向努力!!!

        比心機啦, 我地都要各自加油!!! 雖然實習結束, 雖然唔可以經常見面, 但ms tsang, ms wu, lee sir都會一樣係精神上支持你地, 祝福你地!!!

 星期五again

呢個星期聽左無數次既 <<愛是不保留>>, 連手機鈴聲都改埋tim

呢7日好似發生左好多事, 但呢7日又好似唔存在

今日就好似同之前普通既一個星期五一樣

放學 返來 辛苦都想死 但都要繼續做野... ...

不過我知 呢d只不過係我既 自欺欺人

頭先見到steven既留言

"今日係李sir最後一日...我覺得你地都教得好好呀=]"

果一瞬間覺得好感動, 或者作為一個學生,可以得到老師既表揚係最開心既, 但其實作為一個老師, 最希望得到既亦係學生既肯定. 你地真好, 不斷給予我無限既鼓勵, 使我可以變成一個幸福既老師.

多謝我所有可愛既學生!

其實上個星期五既好多畫面都依然歷歷在目, 我唸或者我會一直一直記得...

記得 係1a上既最尾一堂 你地興奮到完全上唔到...

記得  中午同2c影相, 你地送比我果張又大又靓又八卦既card

記得 1a唱<<愛是不保留>>比我, 雖然走晒音, 但係都聽到我喊...仲有有全班簽名既卡

記得 你地送比我既禮物仔, 有好多幸運星 (我唸一定會帶比我好運既), 有好多好sweet好得意既card仔, 當然仲有人好有心唸到既相架 

所有既一切, 我都會好好珍藏係心!!!

I love you, guys!

我唔知我仲可以為你地做幾多, 但係只要你地需要, 而我又力所能及, 我隨時都好樂意似一個老師又好,一個朋友又好, 一個姊姊都好, 甘支持幫助你地.

有d野

係一種習慣, 更係一種依賴

就好似  掛念1a, 2b, 2c既你地

就好似  唸返同你地上堂既情景

就好似  懷念係612一起瘋癲影相既場面

就好似  每次沖咖啡都會被人鬧

就好似  每日都等到天黑先離開既日子

只不過 始終都要面對

曲終 

人亦散

PS:    祝靓爆鏡既  蚊蚊   生日快樂!!!!

       首先要講句sorry啊, 本身應承左你地尋晚會online, 不過因為我同左幾個實習老師吃飯,又去左lam tin拿野,11點幾先返到學校.

       今日係我真正離開LLC既第一日, 決定開呢個blog, 因為對你地有太多唔舍得, 我希望係今後既日子,我都可以盡我既能力, 同你地一起分享彼此既開心或者不開心.

       我會儘量多D更新呢度gala!!! 既然係第一篇日誌, 都係要比貨d啦, 所以分享下我呢兩日既心情吧.

       尋晚差唔多7點先離開LLC, 走之前我喊左...因為我知道呢次真係要離開了, 亦都唔知道下次幾時會再返來. 6個星期唔算太長,但卻係我心里留低好深好深既印記. 下午去左1A看chu sir上堂, 見到d學生, 我情不自禁地係紙上寫低左 "真係好愛你地", 我知道呢種感覺係發自內心的. 你地真係好得意. 放學之後, 我呢個"白學公主"又同左"七個小矮人"影相, 好開心, 我真希望可以將呢一刻永遠銘記在心.  

       當然, 呢6個星期, 除左有我可愛既學生陪伴, 仲有幾位唔可以唔提既人. Miss Chan, Miss Tsang, Mr Lee, 多謝你地一路陪住我, 給予我無限既支持同幫助, 612係個充滿我們美好回憶既地方, 我會好好珍惜我地之間既友情!!!

        雖然實習結束, 忙碌卻從未停止. 5日之內仲有兩份論文, 一個考試等住我. 你地都就來考試了, 讓我地都一起努力, 加油, 好嗎?! 我好期待見到你地既進步!!! 雖然呢排我會好唔得閑, 不過我都會儘量抽時間更新呢度, 同埋同你地msn!!!

        我已經上載左尋日d相, 你地可以去 http://picasaweb.google.com/misswuloves1a 下載. 另外, 邊個仲有其他相既, 都可以上載去以上呢個網址, 方法 : 登陸 用戶名 : misswuloves1a, 密碼: 20080523.

       呢個blog, 屬於所有1a, 2b,2c既同學, 我都會嘗試邀請 miss tsang, miss chan, lee sir join我地既!!!

        友情提醒: 1a同學, 聽日英文測驗, 記住溫書啊, unit7考得唔好, 都表示miss wu無教好你地啊, 所以, 大家爭氣啦!!! Add Oil!!!